अनेसास अध्यक्ष जित्न गीता खत्रीले रातो मफलर बाँडिन

बलराम डीसी
अनेसास नामको संस्थाको अध्यक्ष हुन गीता खत्री नामकी पटमूर्खले दशहजार डलर खर्चेको कुराको सत्यता फेसबुक मार्फत सार्वजानिक भएको छ । विश्वविमोहन श्रेष्ठले गीता खत्रीले पठाएको रातो मफलर जेष्ठ महिनाको चर्को गर्मीमा लगाएर फेसबुकमा फोटो सहित राखेपछि  गीताको चुनावी रणनिति बाहिर आएको हो । थाहा भए अनुसार चुनाव जिताउने ठेक्का लिएका श्रेष्ठले अनेसासका नेवारहरुको मत माग्ने छन् । सो बापत विश्वविमोहनले गीताबाट एउटा ल्यापटप पनि पाएका छन् । त्यस्तै गीताले राधेश्याम लेकालीको श्रीमतीलाई घडी र लेकालीलाई डिजिटल क्यामरा पठाएकि छिन् ।


को हुन विश्वविमोहन ?
  अनेसासको साधारण सदस्य पनि नभएका विश्वविमोहन नेपाल बाहिरकासँग मेरो सम्पर्क छ भन्ने डिँग हाक्छन् । विदेश बसेर दुइचार वर्ष यता साहित्य कोरेकाहरुले उनलाई नेपालका बरिष्ठ साहित्यकार भनेर विदेश आएको बेला खास्टो ओढाएर सम्मान गरेका छन् । लन्डनमा छोराबुहारी भेट्न आएका बेला लन्डन अनेसासको ठूलो शुभचिन्तक र सल्लाहाकार भए । उनकै सल्लाहमा लन्डनका अनेसास चल्दा चल्दै अनेसासको लन्डन सम्मेलन ठूलो विवादमा मात्र फँसेन झगडाले उग्ररुप लिएर सम्मेलन बहिष्कार सम्म भयो । श्रेष्ठको बिरुद्धमा विनोदकुमार नेपाल नामक डिसीका पत्रकारले निकै लामो लेख पनि लेखेका छन् जो उनको ब्लगमा अहिले पनि पढ्न पाइन्छ ।

  उता विश्व मार्फत नेपालका सबै भोटरलाई रातो मफलर पठाएकि छिन् । नेपालमा लोडसेडिङ हुने भएको, धेरै जसो मतदाता जागीर ब्यावसायमा ब्यस्त हुने भएकोले सबै मतदाता लेकालीको घरमा गएर कम्प्युटर मार्फत भोट हाल्ने सल्लाह गरेका छन् । लोडसेडिङले असर नपारोस भनेर लेकालीले जेनेरेटर पनि भाडामा लिएका छन् । र मतदातालाई ओसार्न रातो रंगको दुइवटा कार भाडामा लिन लगाएकि छिन् । लेकालीकोमा गएर ककसले भोट हाले भनेर कमला र बज्गाईंले सुलसुले खटाउने हुन् कि भनेर  केही मतदाता अर्कै ठाउँबाट भोट हाल्ने कुरा गरेपछि लेकाली चिन्तीत भएका छन् ।

   नाथे होमनाथ सुवेदीको निजी कम्पनी अनेसासमा किन गीताले दशहाजर डलर कहाँबाट खर्चे होलिन भनेर थुप्रैको मनमा जिज्ञासा छ । चुनाव जिते कागजीरुपमा हिसाब किताव मिलाउने, चुनाव हारे कमला प्रसाईंले जस्तै अनेसासको कोषको पैसा झ्वाम्म् पार्ने योजनामा गीता रहेकि छिन् । स्मरण रहोस कोषाध्यक्ष कृसु क्षेत्री बर्मामा रहेकोले महासचिव गीता खत्रीले नै पैसा राख्ने झिक्ने कोषाध्यक्षको काम गर्दै आएकि छिन् ।
 
  गीताले पाँचहजार डलर नयाँ मतदाता बनाउन र बाँकी पाँचहजार उपहार र प्रचारप्रसारमा खर्चेका हुन् । उनको लागि गोप्यरुपमा बाहुनहरुको मत माग्ने होमनाथ सुवेदीले जिम्मा लिएका छन् । क्षत्रीहरुको मत माग्ने काम उनकै लोग्ने राम खत्रीले गरेका छन् । स्मरण रहोस अमेरिकामा खुल्न लागेको क्षत्री समाजमा महासचिव राम खत्री हुने चर्चा छ । दलित र जनजातिको भोटका जिम्मा लिएका ज्ञानेन्द्र गदाल त्यति सक्रिय भएर लागेका छैनन् । उनले आफ्ना ज्वाईं महासचिवका उम्मेद्वार पदम विश्वकर्माका लागि मात्रै भित्र भित्र भोट मागेको कुरा गीता खत्रीले शंका गरेकि छिन् ।  गदालले म बाट त्यस्तो धोका हुँदैन भनेर गीतालाई सम्झाई रहेका छन् ।

किन मिले होमनाथ र गदाल ?
विधान शंशोधनमा गदालले होमनाथलाई पत्रपत्रिका मार्फत नांगेझार पारेपछि होमनाथ गदालको शरणमा पुगे र डि सीमा निम्त्याए । अहिले विधानको कुरा रोक्नु होस् बरु तपाई फेरि अध्यक्ष हुनुहोस म समर्थन गर्दछु । अहिले अनेसासलाई बदनामीबाट जोगाउनुहोस् भने पछि गदालले फेरि अध्यक्ष हुने सपना देखे । तर सर्वेक्षणमा गदालले अलोकप्रिय भएको आफै महशुश गरि पटमूर्ख गीतालाई कठपतलीको रुपमा नचाउन गदालले समर्थन गरेका हुन् । उनलाई मुट्ठिमा राख्ने आफ्नो हनुमान लेकालीलाई वरिष्ठ उपाध्यक्षमा निर्विरोध गराउन सफल भए भने महासचिवमा ज्वाई विश्वकर्मालाई जिताएर हालिमुहाली गर्ने सपना देखेका छन् । गदालसँगको सोही सम्झौता अनुसार होमनाथ पनि गीतालाई समर्थन गरेका हुन् । गीता त मेरै घरपरिवारको सदस्य जस्तै हो भनेर होमनाथले भन्नु र डिसीमा मैले बस्ने घर नै त्यही हो भन्दै गिताले भन्नुको ठूलो अर्थ छ ।  गीताले जिते गदालले जस्तो दुःख त दिन्न भन्ने होमनाथको ठहर छ । कमला र बजगाईंले जिते के के गर्लान भन्ने डर होमनाथलाई भएको कुरा नजिकका आफ्नालाई भनेका छन् । उता चुनावमा प्रसाई र बजगाई जसरी पनि गीतालाई हराउन गठबन्धन गर्ने सम्भावनाको बारेमा चर्चा चले पनि त्यो सम्भव नभएको कुरा दुबै पक्षले बताई रहेका छन् ।

  यसैबीच अनेसासमा होमनाथ, गदालको ब्यवहार देखेका असन्तुष्टहरुले चुनाव लगत्तै अनेसास जस्तै अन्तर्राष्ट्रिय प्रशाखा हुने साहित्यिक संस्था खोल्न भित्र भित्रै तयारी गरिहेको कुरामा सत्यता देखिदैन ।