४-५ जनाको गाइजात्रे समुह: विनोद कुमार नेपाल

विशाल शाह

न्यूयोर्क

विनोद कुमार नेपालको नाममा आएको लेखमा म (विशाल शाह) लाई, मेरो परिवार र यहाँसम्म कि भर्खर मात्र बोल्न शुरु गरेको सानो बालकलाई समेत वदनाम गर्ने प्रयास गरिएको छ । यो अरु केही नभएर अनेसासका अग्रज र भाषा-साहित्य प्रति रुचि राख्न्नु हुने विश्वभरी छरिएर रहनु भएका साथीहरुले कमला प्रसाईलाई विजयी गराउनु हुन्छ भन्ने पूर्वानुमानबाट आएको डाहाको छटपट मात्र हो । ४-५ जनाको समुह जो विनोद कुमार नेपालको नाममा लेख्न्ने गर्छन्- यस्ता गाइजात्रेहरुले मलाई इमेल ह्याकर भनी आफ्नो गाइजत्रेपन देखाएको कुरा प्रति अनेसासका व्यक्तित्वहरुले हावामा उडाइदिनु हुन्छ भन्ने विश्वास गर्दछु ।  ह्याक नै गर्नु छ भने त मैले कमला प्रसाईको विपक्षीको पाटन संयुक्त क्याम्पसबाट आई. ए (IA) र स्नातक (BA) गर्नु भएको सर्टिफिकेट सबैको सामु राखिदिएर उहाँ जस्तो योग्य उम्मेद्वारलाई मत दिई जिताउनु पर्छ भनी प्रचार गरिहाल्थें भन्ने लाग्छ । हुन त म स्वयम पनि पाटन संयुक्त क्याम्पसबाट नै आई ए र स्नातक गरेको व्यक्ति भएको र केही साथीहरु त्यहाँ शिक्षकको रुपमा रहनु भएकाले कसैको सर्टिफिकेट ह्याक नै नगरे पनि उसको असली योग्यता पत्ता लगाउन भने त्यति गार्हो पर्दैन जस्तो लाग्छ ।

केही साथीहरुले आफ्नो नाम लेख्दा त विचार नपु-याउनेले अनेसास जस्तो विशिष्ट र विश्वभरी फैलिएको संस्थालाई के ध्यान दिन सक्छ, बरु कमला प्रसाईलाई नै मत दिनु पर्छ भन्नु भएको कुरा दोहो-याउन चाहन्छु । अरुलाई ह्याकर भन्नेहरुको ध्यान यतातिर गएको भए सायद राम्रो हुने थियो कि ? अरुलाई चोर, ह्याकर भन्नेहरुले सप्रमाण यी इमेल आइ डी हरु चोरीको हो भनेर निर्वाचन आयोगमा दर्ता गराई त्यस्ता इमेलहरु खारेज गर्दा राम्रै हुन्छ जस्तो लाग्छ । हामीहरुले पनि केही इमेल आई डी हरु नक्कली र चोरीको हो भनेर सप्रमाण निर्वाचन आयोगमा पेश गरेका छौं र अरु केही पेश गर्ने पक्षमा छौं । निर्वाचन आयोगमा रहनु हुने संम्पूर्ण व्यक्तिहरु इमान्दार, योग्य र निष्पक्ष हुनु हुन्छ भन्ने कुरामा पूर्ण विश्वास गर्न सकिन्छ र उहाँहरुले प्रमाण हेरेर सही मतदातालाई मात्र मत प्रयोग गर्न दिनु हुन्छ भन्ने कुरामा हामीहरु सबै विस्वस्त हुन सक्छौं ।