अनेसासको अध्यक्ष पदमा ‘नानीमैया दाहाल’

पटमूर्ख गीता खत्री ‘नानीमैया दाहाल’ अनेसासको अध्यक्ष पदमा उठ्ने घोषणा गरे देखि उनकै निँद हराम छ । दश कक्षा पास नगरेकी खत्रीको नेतृत्वको पदमा बस्ने कोही मानिस नपाएपछि न्यूयोर्कबाट मानिस खोज्न वासिङ्टन डिसी पुग्दा त्यहाँ कोही राजी नभएपछि उनी चिन्तित भएकी छिन् । 

उता न्यूयोर्क कै कमला प्रसाईंले भकाभक आफ्नो उम्मेदवारी अनलाईन पत्रिकामा छपाएपछि गीतालाईं औडाहा भएको छ । खत्री जसरी पनि प्रसाईंलाई हराउन लागेकि छिन् । प्रसाईं जसरी पनि खत्रीलाई ‘साईज’ मा ल्याउन चाहन्छिन् । उति बेला आफूलाई हराउने गीतालाई यसपटक कमिटिमै पाईला टेक्न नदिने गोप्य रणनितिमा लागेकि छिन् । गीता खत्रीले न्यूयोर्क कै एकजना पत्रकारलाईं पत्रपत्रिकामा आफ्नोे प्रचार प्रसार गराउन भनि ५०० डलर दिएको र चुनाव जिते बाँकी ५०० डलर दिने सम्झौता भएको थाहा लागेको छ । त्यसरी नै अस्ति डि सी आएको बेला एक जना पत्रकारलाई चुनाव खर्च दिन लाग्दा पत्रकारले गीताको सातो लिएपछि उनको होस हवास उँडेको छ ।

न्यूयोर्कमा गीताका समर्थकहरुले पहिल्यै नै गीतालाई छाडिसकेका थिए । अहिले नेतृत्व क्षमता भएकी शिक्षित नारी प्रसाईंलाई जिताउन न्यूयोर्कवासीहरु लागि परेका छन् । गीता भन्दा कमला अहिले तगडा उम्मेदवारको रुपमा प्रस्तुत भएकि छिन् । न्यूयोर्कमै आफू यति कम्जोर भइएला भन्ने खत्रीले कहिलै सोचेकि थिइनन् । मतदाता नामावली तयार गर्ने गीताका श्रीमान् राम खत्री  चुनावमा धाँधली गरेर भए पनि जितिएला कि भनेर सोचिरहेकोमा यो अवस्था देखेपछि अहिले उनको चैन हराएको छ । कमलाको ‘बोल्ड’ पर्शानालिटिको अगाडि गीता मणी हराएको सर्प जस्तो भएकी छिन् ।