किताब नजन्मिँदै दिइएको 'नं. १

-केदार शर्मा
प्रभावशाली आख्यानकार र मेरा सम्मानित मित्र  Nayan Raj Pandey को लू पक्कै राम्रो छ। आफूले गतिलो ठानेको किताब पढन मलाई गतिलै मनस्थिति चाहिने हुँदा पढिहालेको छैन। तर लाग्दैछ, यो किताब कतै अति प्रचारको शिकार त भइरहेको छैन?

फराकिलो मित्रमण्डली भएका लेखकका कृतिहरूले राम्रो प्रचार पाउँछन्, त्यसमाथि नयनजी जस्ता लेखकका किताबको चर्चा हुने नै भयो। तर Yangesh जस्ता सम्पादकले किताब सार्वजनिक हुने दिन (हुन बाँकी छँदै) वर्षका ५ किताबमा '१ नम्बर' भनेको छाप्नु र त्यसको सातादिन पछि त्यही दैनिकमा त्यही किताबका बारेमा तिनै लेखक (गोविन्द वर्तमान) को समीक्षा छाप्नु, अलि अति त हैन?

गुनासो यसपटक समीक्षा छापिएकोमा हुँदै हैन। त्यसमा त खुसी नै छ। तर त्यसले अघिल्लो साता, किताब नजन्मिँदै दिइएको 'नं. १' सम्झायो।

लू लाई शुभकामना। यो पाठकका आँखामा पनि नं. १ ठहरियोस् र मानिसले यस्तो आक्रामक प्रचारबाजी बिर्सिऊन्।


साभार : केदार शर्माको फेसबुक स्टाटस् बाट